Zer jan

Piper beteak

Nafarroan diren produktuetan, ospe handienetakoa dute "Pikillo piperrek". Baten batek sumin piper izena eman nahi izan dio. Beti ez dute minak izan beharrik, pikillo izena piperraren moko formagatik da. Hoberenak egur naturalez errerikoak izaten dira.
Piper beteak aipatu "pikillo piperrekin" prestatzen dira.

Betetzekoa sukaldariaren irudimena edo perbertsioaren araberakoa izanen da, betiere arruntenak haragi edo arrainez beterikoak badira ere. Saltsa krematsua izaten da, piper eta tomatez egina. BESTONDORIK GABEKO egunetarako platera da. Gehiegi jaten badituzu haien digestioak haurdunaldi batek adina iraunen ahal dizu.

Zer edan

Kalimotxo

Jende gehienarentzat sanferminetako edari nagusia da, batez ere bero egunengatik. Etxeko Kalimotxoa ardoz eta kola freskagarriz osatzen da.

Bata eta bestearen arteko proportzioa egarriaren edo ardoak eman ohi duen irribarre zoriontsu hori izateko premiaren arabera izanen da, gehienetan neurri berdinean prestatzen da.

Tabernetan zerbitzatzen duten Kalimotxoa, txorro batetik jada nahasirik ateratzen den hori, kola gelatinaz, ardo hidrolizatuz eta ziape gasez osaturiko edabe modukoa da. Idorreriaren aurka ona izaten da.

Sanferminetako jendaila

Giria

Egia esan, haiek behin eta berriro esaten digute kriston suertea dugula gure hirian urtero honako jaiez gozatzen ahal dugulako. Izatez, Giria ez da atzerritar arrunta.

Sanferminetako protagonismoan lehen mailako papera hartu du. Guk gozatu egiten dugu haiek nola gozatzen duten ikusita, eta baita egiten dituzten gauza bitxi horiek guztiak ere, "tokian, tokiko eran" antzinako atsotitzaren aholkutik urruti samar. Seguruenik aholku berri bati jarraituko diote: "tokian, egin ezazu bertan egiten zela zeuk betidanik uste zenuena”.

Iruñeko Sanferminetan ugari izaten dira amerikarrak, frantsesak eta australiarrak. Guztiak ongi etorriak izaten dira. Kukuxumusun horrexegatik antolatu dugu Giri Egunas.