Zer jan

Zezen buztana

Sanferminetako plater tradizionala da. Plater hau zezenaren bizkar hezurreko muturra, patata eta barazki erregosiak dira. Ez dago animaliaren barrabilak (potroak) goarnizio gisa zerbitzatzeko ohiturarik, oso bestelakoak baitira.

Hala ere, bada Nafarroan bi potro (zezenarenak) duen platerari uko egiten ez dionik.
Atzo ez nuen zezen buztanik jan. Jatorrena zezenketan hildako zezen baten buztana izatea da, baina hori orain ezinezkoa da behi eroen sindrome horren erruz.

Eroak omen dauden zezenak, oihal gorri batekin zorabiatu, akuiluak dituzten erremintak sartu eta, ongi defenditu badira, belarriak moztu beren izena duen zezen plaza batean jasan ondoren, errausketa-labera eramaten dituzte...

Zer edan

Limoi sorbetea

Jende dotoreak estimatzen duen edaria da, oso egokia ordaintzea ez dagokizun txandan eskatzeko. xanpain edo Cavaz eta limoi izozkiaz osatzen da. Egun oso beroetan edari bereziki freskagarria da, eta likatsua gainetik zehar botatzen baldin badizute. Neroni ongi freskatua zegoen limoi sorbetez beteriko bost litroko pertza isuri zidaten gainetik zehar zezenketan (probokatzearren, dena esana gera bedi). Arropa lehortu zitzaidanean benetako arazoak izan nituen oinez ibiltzeko.

Sanferminetako jendaila

'Zenbatzikinagohobea'

Kukuxumusun kamisetetan musuei buruzko marrazkiak egitea gustatzen zaigu, baina sekula ez dugu lortu ehundura mota hori. Gurasoen eskutik joaten ez diren estreinako Sanferminetan, gazteek bi gauzarekin gozatzen dute gehien: hasierako sanferminetako rollo ahoberoak, eta zikin ibiltzeko grina.

Bereziki jaietako lehenbiziko egunean: uztailaren 6an. Urteak pasatu ahala, batzuk, rolloetarako abilezia eskasa izaten jarraitzen dugu, beraz, zikin ibiltzearekin konformatzen gara. Baina ez horrenbeste!