Zer jan

Kogolloak esparragoekin

Plater oso aproposa aje handiko egunetarako. Kogolloak Nafarroako hegoaldean hazten diren letxuga txiki, estu eta zaporetsuak dira. Garrantzitsua da ondo garbiturik izatea, ez baduzu benetan gure lurraren zaporea dastatu nahi.

Esparragoa esparrago landarearen zurtoin samurra da, azalera atera baino lehen. Esparragoak jan ondoren zure pixak pintura moduko usai arraroa botatzen badu, ez ezazu pentsatu edariarekin txantxaren bat egin dizutenik, normala izaten da.

Esparragoak eta kogolloak ozpin eta oliba olioz nahasturiko saltsa zaporetsu batekin jartzen dira.

Zer edan

Etxeko Baileys

Zezenketan konfiantza eta fede onari egiazko omenaldia izaten da ezezagun bati etxeko Baileys basoa onartzea. Beti bezala, zezenketaren amaieran eskaintzen dizute, merendatu ondoren, ikuskizuna hazten denean eta zezentokian bi toreatzaile talde bat zezen bikote baten aurka ari denean.

Ia jende guztiak probatu du noizbait whisky krema marka ezaguna, horregatik ez ditugu osagaiak aipatuko. Gainerakoan, esan behar dugu atsegina dela horrelako gauza pertsonala eskaintzea, hain zuzen ere, probatzen duzunean zure egoera etilikoak honelako zerbait esateko ausardia ematen dizu "Hau zerrikeriaaa!".

Kukuxumusun ez dugu horrelakorik inoiz esan, nahiz eta batzuetan gogoak sobera izan.

Sanferminetako jendaila

Paregabea

Hauxe da jaietako benetako animalia. "Kaskarroa" bezalako espezieak sartu direlako desagertzear dagoen espeziea. Gehienetan Iruñeko peñaren bateko (Jaiak eskaini ditzakeen dibertimenduen azken tantaraino aprobetxatu nahi duten talde antolatuetako) kideak izaten dira.

Berezko dizdira dute eta umorearen zentzuari benetako omenaldia egiten diote. Beren mozorro berezi eta bestelako osagarri propioez BETI xelebre izateko gaitasun aparta dute..