|
Zer jan
Tripotazuria odolkiarekin
Hau ogiarekin txak-txak egiteko moduko platera da. Bi osagai
nagusi ditu, platerari izena ematen diotenak (ia plater guztietan
gertatzen den bezala, paella eta beste salbuespenen bat kenduta).
Tripotazuria hestebete hori bat modukoa da, kasu honetan bildots
koipez, txerri gizenez, arrozez, perrexilez eta azafraiz betea.
Odolki egosia, bildots odol gatzatua besterik ez da, bildotsa
orban gorridun eta alkanfor usaineko izarapean hildako bildotsa
izan behar da (izararena eta usaiarena txantxa da) Saltsa,
tomatez, piperrez eta baratxuriz egina dago... oso gozoa.
Odolkia marroia da, odolaren zapore tradizional eta esanguratsua
du.
Ajea eta eskrupulo handikoek hobe ez badute dastatzen: botaka
egiteko arriskua!
|
|
Zer edan
Ardo gorria
Nafarroa ezaguna da
baita dituen ardoengatik ere, batez ere ardo gorria. Oso ona
da hutsik hartuz gero aperitibo gisa, baina markakoa baldin
bada. Gaseosaz nahasturik ere gozoa iz
aten da.
"Indio Joshemary" bat eskatzen baduzu taberna batzuetan
ardo gorria limoi freskagarriarekin jarriko dizute, beste
batzuetan berriz, ergel hutsa zarela pentsatuko dute. |
|
Sanferminetako jendaila
Orpobeltza
Iruñea kanpoko
jendea dira eta ez dute zeregin finkorik beren bizitzan,
bizi besterik ez dute egiten, ardo Tetra Brickaren asmatzailea
aberastu eta zorua epeltzen dute.
Gure faunaren espezimen honek Sanferminetan Iruñeko
elikadura piramidearen gailurra hartzen du. Beren zeregina
funtsezkoa da sanferminetako ekosistemaren orekan. Haien
alde kaleetako janari arrastoak garbitzen dituztela esan
beharra dago.
Multzoetan biltzen dira zezen plazaren inguruan, eta peñetako
kideek zezenketa bitartean merendatu ondoren utzitako janari
arrastoak aurkitzeko bueltaka ibiltzen dira. Bakezaleak
ere badira.
Haien aurka, badago azken zigarroa eskatzen adituak direla
dioenik. Iruñeko "txakur" batzuk protesta
egin dute lorategiak arkakusoz beteta uzten dituztelako.”.
|
